Aefamek eta Banco Santanderrek beste urtebetez berritu dute beren babesletza-hitzarmena, eta, horrela, Euskadiko familia-enpresak eta enpresa-familiak sustatzeko partekatzen duten konpromisoan oinarritutako aliantza estrategikoa berretsi dute.
Hitzarmena ekainaren 3an sinatu zuten José Miguel Lanzagorta Casansek, Aefameko presidenteak, eta Carlos Prietok, Banco Santanderrek Euskadin duen lurralde-zuzendariak. Biek nabarmendu zuten garrantzitsua dela euskal familia-enpresentzat topaguneak, hausnarketarako guneak eta prestakuntza-ekimenak sustatzen jarraitzea.
Lankidetza horri esker, Banco Santanderrek Aefameren jarduera nagusietan laguntzen jarraituko du. Horien artean dago Elkartearen Urteko Batzar Nagusia, urtero familia-enpresaren erronka eta aukeren inguruan enpresariak, zuzendariak, erakundeetako ordezkariak eta adituak biltzen dituen hitzordua.
Aefametik gure eskerrik beroenak eman nahi dizkiogu Banco Santanderri, urte hauetan guztietan emandako babesagatik eta elkartearen proiektuetan erakutsitako inplikazioagatik. Hitzarmen honen berritzeak agerian uzten du urteetan zehar eraiki den elkarren arteko konfiantza, baita bi erakundeek Euskadiko ekonomiaren eta gizartearen motor nagusietako bat den enpresa-ereduarekiko duten konpromisoa ere.