Kamezi Taldeko Koldo Egurenek Nerea Uribe-Etxebarriaren lekukoa hartu du Kimuaren presidentetzan. Uribe-Etxebarria AEFAMEko gazteen taldeko presidente izan da 2023tik. Marta Barrilero izango da presidenteorde berria.
Kimuak, Euskadiko Familia Enpresaren Elkarteko (AEFAME) gazteen taldeak, Zuzendaritza Batzordea berritu du. Koldo Eguren, Kamezi Taldekoa, izango da presidente berria, Nerea Uribe-Etxebarria, GEINSAkoa, ordezkatuz. Uribe-Etxebarria Kimuako presidente izan da 2023tik.
Erreleboa Getarian egindako Kimuaren X. Urteko Batzarrean gauzatu da. Zuzendaritza Batzordearen berritzearekin batera, Marta Barrilero presidenteorde izendatu dute, Yera Cámararen lekukoa hartuz.
Nerea Uribe-Etxebarriaren agintaldian, Kimuak hazten eta sendotzen jarraitu du AEFAMEko familia-enpresetako belaunaldi berrien topagune gisa. Besteak beste, Kimua Family bezalako ekimenak bultzatu ditu, eta beste lurraldeetako familia-enpresen elkarteetako gazte taldeekin harremanak eta elkarlana indartu ditu.
Etapa berri bat Kimuarentzat
Koldo Egurenek Kimua euskal familia-enpresetako belaunaldi berrien erreferente izaten jarraitzea du helburu. Horretarako, gazteen prestakuntza sustatzen jarraituko du, etorkizunean familia-enpresetako akziodun gisa izango duten eginkizunari behar bezala aurre egiteko.
“Akziodun arduratsuak prestatzen jarraitu nahi dugu, jarduera eta prestakuntza-proposamen erakargarrien bidez, etorkizunean familia-enpresako akziodun gisa izango duten zereginari aurre egiteko prest egon daitezen, horrek dituen berezitasunak kontuan hartuta”, adierazi du presidente berriak.
Zuzendaritza Batzorde berriak Kimuako gazteen arteko esperientzia-trukea sustatzen jarraituko du, baita familia-enpresetan etorkizunean izango dituzten ondorengotza eta belaunaldi-errelebo prozesuei hobeto prestatuta aurre egiten lagunduko dieten topaguneak sortzen ere
